قطر کې افغان پلاوی: له ۳ ورځو راهیسې مو له مقابل لوري سره نه‌دي لیدلي

په قطر کې د افغان دولت مرکچي پلاوی وایي، له تېرو درېیو ورځو راهیسې دوی خپل‌منځي غونډې کوي او له مقابل لوري سره‌یې نه‌دي لیدلي.

د سولې په چارو کې د دولت وزارت ویانده ناجیه انوري وایي، ګډو هوکړو ته رسېدل وخت غواړي، خو دوی ګام پر ګام مخته ځي.

هغې زیاته کړه: "تېرو ورځو کې د افغانستان د اسلامي جمهوریت مذاکره کوونکی پلاوی پر هغو موضوعاتو چې ډېر کار ته‌یې اړتیا لرله، داخلي جلسې جوړې کړې دي. مذاکره دوه اړخیز بهیر دی او په ځینو مواردو کې مشترکو ټکو ته د رسېدو لپاره اوږدېدای شي."

بین‌الافغاني خبرې دوه اوونۍ مخکې دوحه کې پیل شوي، خو تر اوسه د مخامخ خبرو تګلاره او اجنډا نه‌ده بشپړه شوې.

د دواړو لورو مرکچیان هیله‌من دي چې ژر به دغه تګلاره بشپړه شي ځکه د دوی په ټکو اختلافي مسایل جدي نه‌دي.

دغه مطلب ته ستوری ورکړه
(0 رایې)