سوریه کې ۱۲۰ سوریایي سرتېرو ته مرګ ژوبله اوښتې

03 سلواغه 1398

د روسیې دفاع وزارت وایي، په سوریه کې د مخالفو وسله والو په تازه بریدونو کې ۱۲۰ سوریایي سرتېرو ته مرګ ژوبله اوښتې ده. د سپوټنیک اژانس د خبر له مخې، په سوریه کې د ښکېلو غاړو ترمنځ د پخلاینې مرکز د یوې خبرپاڼې په خپرولو سره ویلي، په تېرو دوو ورځو کې د سوریې په ادلب ښار کې د مخالفو وسله والو په بریدونو کې ۴۰ سوریایي سرتېري وژل شوي او شاوخوا اتیا نور ټپیان شوي دي. د یاد مرکز د خپرې شوې خبرپاڼې په حواله، په دې پېښو کې دغه راز د دولتي ځواکونو د ځوابي بریدونو په پایله کې ۵۰ وسله وال وژل شوي او تر ۹۰ ډېر نور ټپیان دي. ښکېلو غاړو تر اوسه په دې اړه څه نه دي ویلي.

دغه مطلب ته ستوری ورکړه
(0 رایې)